Í sumar verður hægt að taka rafrænu þjónustunámskeiðin okkar sem henta sérstaklega vel öllum sem taka á móti ferðamönnum t.d. á gisti- og veitingastöðum, í sundlaugum, verslunum og sjoppum. Það hentar nýliðum sérstaklega vel en getur líka eflt reyndara starfsfólk í starfi. Námskeiðin eru ókeypis.
Námskeiðið fjallar um hugtakið gestrisni og fagmennsku í móttöku gesta. Lögð er áhersla á að námsefnið sé hagnýtt og að það komi strax að notum fyrir starfsmanninn. Efninu er miðlað í gegnum sérhannaðan hugbúnað með texta, myndum og stuttum myndskeiðum. Námsefnið er brotið upp með reynslusögum austfirskra gestgjafa og nemandi þarf að þreyta próf í lok hvers kafla. Það tekur um klukkustund að ljúka námskeiðinu.
NánarNámskeiðið „Austurland“ er afar gagnlegt fyrir þá sem þurfa að skerpa á þekkingu sinni á landshlutanum. Markmiðið er að veita nemendum inngang að því helsta sem Austurland getur boðið ferðamönnum. Fjallað er um einkenni samfélags og náttúru og sagt frá helstu áningastöðum, menningarhátíðum og möguleikum til afþreyingar.
NánarGæði í upplýsingagjöf er rafrænt námskeið sem hentar þeim sem eiga í beinum samskiptum við ferðamenn á Austurlandi, t.d. á gisti- og veitingastöðum, sundlaugum, verslunum og sjoppum. Það hentar nýliðum sérstaklega vel en getur líka eflt reyndara starfsfólk í starfi.
NánarFrá stofnun hefur Austurbrú unnið að fjölmörgum verkefnum á sviði menningar, markaðssetningar, atvinnuþróunar og fræðslu. Kynntu þér nýjustu tíðindin!
Skoða fréttasafn