Nám fyrir einstaklinga sem hafa áhuga á matvælaframleiðslu eftir Beint frá býli hugmyndafræðinni. Getur einnig nýst rekstraraðilum og fólki sem starfar við framleiðslu og framreiðslu á mat.
Námskráin miðar við 80 klukkustunda nám. Námið er hvort tveggja verklegt og bóklegt sem skiptist í tvær lotur. Fyrri lotan er að mestu í fjarnámi en sú síðari meira verkleg.
>> Í fyrri lotunni verður farið í hugmyndavinnu, markaðsgreiningu, verk- og kostnaðaráætlanir, leyfi, sjóði og umsóknir.
>> Í seinni lotunni verður nemendum leiðbeint um vöruþróun og framleiðslu á vöru. Unnið er í vottuðu tilraunaeldhúsi Hallormsstaðaskóla.
Markmið smiðjunnar er að námsmenn öðlist skilning og getu til að vinna að vöruþróun og framleiðslu á matvælum. Einnig er mikil áhersla lögð á að nemendur fái innsýn í helstu verkferla í matvælaframleiðslu.
Mennta- og menningarmálaráðuneytið heimilar að Matarsmiðjuna – Beint frá býli megi meta til allt að 10 framhaldsskólaeininga.
Fyrirkomulag
Matarsmiðjan Beint frá býli verður kennd frá október til loka janúar 2021. Fyrsti kennsludagur verður 14. október frá 16:00–19:00 í húsnæði Austurbrúar á Egilsstöðum – Vonarlandi, þar sem námsleiðin verður kynnt og þátttakendur og leiðbeinendur kynnast. Síðan fer kennslan fram rafrænt og í lengri verklegum lotum til skiptis. Drög að skipulagi námsins má finna hér, með fyrirvara um breytingar vegna Covid-19, veðurs og annarra þátta sem mögulega geta haft áhrif á skipulagið. Þegar um fjarkennslu er að ræða eru þátttakendur hvattir til að sækja fyrirlestrana saman á starfsstöðvum Austurbrúar. Náminu lýkur með verklegum hluta í janúar 2021, í húsnæði Hallormsstaðarskóla.
Verð: 34.000.- (með fyrirvara um breytingar á verðskrá Fræðslusjóðs). Nemendur eru hvatt til að nýta sér styrki stéttarfélaga til menntunar. Þú getur skráð þig með því að smella hér
Síðasti skráningardagur: 27. september 2020.
Frá stofnun hefur Austurbrú unnið að fjölmörgum verkefnum á sviði menningar, markaðssetningar, atvinnuþróunar og fræðslu. Kynntu þér nýjustu tíðindin!
Skoða fréttasafn